Janar Aıtjanova DSU konferentsııasynda pandemııadan keıingi jańa jahandyq saýda erejeleri týraly aıtty
Qazaqstannyń Dúnıejúzilik saýda uıymy janyndaǵy Turaqty ókili Janar Aıtjanova «Saýda máseleleri boıynsha bıznespen dıalog» atty beınekonferentsııada DSU-nyń 30 qarasha men 3 jeltoqsan aralyǵynda Jenevada ótetin 12-shi mınıstrlik konferentsııasyna (MK-12) Qazaqstan tóraǵalyǵy barysyndaǵy basymdyqtardy tanystyrdy.
Іs-sharany DSU Bas dırektory N. Okondjo-Iveala ashty. Basqa spıkerler arasynda Halyqaralyq saýda palatasynyń (ICC) tóraǵasy Adjaı Banga, DSU Bas keńesiniń tóraǵasy Dasıo Kastılo, «Bıznes-20 qaýymdastyq» (V20) tóraǵasy Emma Marchegalııa, sondaı-aq DSU-ǵa múshe birqatar elderdiń delegatsııa basshylary boldy.
N. Okondjo-Iveala halyqaralyq bıznes qoǵamdastyqty MK-12-de mańyzdy nátıjelerge qoljetkizý, COVID-19 pandemııasynyń teris saldaryn eńserý, saýdanyń ashyqtyǵyn saqtaý jáne reformalar arqyly saýda júıesin nyǵaıtý maqsatynda DSU-men birlesip jumys isteýge shaqyrdy.
Elshi J. Aıtjanova bıznes ókilderin MK-12 barysynda naqty sheshimderdi kútetin negizgi salalarmen tanystyrdy. Sonyn ishinde, COVID-19 pandemııasyna qarsy áreket etý jónindegi sharalar retinde kútiletin kópjaqty sheshimderdiń ishinde barlyq elder úshin vaktsınalar men medıtsınalyq taýarlarǵa erkin qoljetimdilikti qamtamasyz etýdiń mańyzdylyǵyna toqtaldy. Qazaqstannyń Turaqty ókili mańyzdy medıtsınalyq taýarlardy jetkizý jáne vaktsınalarǵa ádil qol jetkizýdegi tizbekti qamtamasyz etýdegi DSU-nyń erekshe mańzdy rólin atap ótti.
Balyq aýlaýdy sýbsıdııalaý jónindegi kelissózderdi tabysty aıaqtaý MK-12-niń mańyzdy nátıjeleriniń biri bolýy tıis. Balyq aýlaýdy sýbsıdııalaý jónindegi jańa kelisim BUU-nyń Turaqty damý maqsattarynyń 14.6-mindetine qol jetkizýge yqpal etetin bolady dep kútilýde.
Qazaqstannyń Turaqty ókiliniń pikirinshe, aýyl sharýashylyǵy máseleleri boıynsha azyq-túlik kómegin qamtamasyz etý jáne BUU Dúnıejúzilik azyq-túlik baǵdarlamasy sheńberinde gýmanıtarlyq maqsattaryna paıdalanylatyn jáne satyp alynatyn azyq-túlik taýarlaryna eksporttyq shekteýlerdi alyp tastaý arqyly álemdik aýyl sharýashylyǵy naryǵyndaǵy saýda shekteýlerin joıý jóninde sheshimder qabyldanady dep kútilýde.
MK-12 kún tártibine DSU-nyń Apellıatsııalyq organynyń problemasyn sheshý jáne Daýlardy sheshý jónindegi organnyń tolyqqandy qyzmetin qalpyna keltirý máselesin engizý josparlanyp otyr.
Sonymen qatar, J. Aıtjanova pandemııadan keıin bıznestiń qalpyna kelýine kómektesetin mańyzdy kópjaqty bastamalardy, atap aıtqanda qyzmetter naryǵyn ishki retteý, elektrondyq saýda jáne ınvestıtsııalardy kótermeleý máseleleri boıynsha jahandyq saýdanyń jańa erejelerin atap ótti.
Beınekonferentsııaǵa 80-nen astam jeke kompanııalardyń jáne bıznes-qaýymdastyqtardyń ókilderi qatysty, conyn ishinde: Eýropalyq amerıkandyq saýda palatasy (AmCham EU), Avstralııalyq saýda-ónerkásip palatasy, Ońtústik Afrıkanyń bıznes birligi, Eýropalyq bıznes qaýymdastyǵy «BusinessEurop», «Deloitte», «FedEx», «Google», «IKEA», «Mastercard», «Pfizer», «Walmart».
