Jańaózenniń jańa kelbeti qandaı bolmaq
AQTAÝ. QazAqparat - Mańǵystaý oblysy ákimdiginde Eraly Toǵjanovtyń qatysýymen keńes ótti. Onda Jańaózen qalasy jáne Tupqaraǵan aýdandary ákimderiniń 2018 jyldyń qańtar-maýsym aılaryndaǵy áleýmettik-ekonomıkalyq damýy týraly eseptik baıandamasy tyńdaldy,dep habarlaıdy óńir basshysynyń baspasóz qyzmeti.
2018 jyldyń birinshi jartysynda atqarylǵan jumystar týraly Janaózen qalasynyń ákimi Ádilbek Daýylbaev baıandady.
Negizgi kapıtalǵa salynǵan ınvestıtsııanyń kólemi 21,1 mlrd teńgeni qurady, ótken jyldyń sáıkes kezeńimen salystyrǵanda 17,8%-ǵa ósip otyr (2017j. qańtar-maýsym aılarynda - 16,4 mlrd.teńge).
Qurylys jumystarynyń kólemi 6,3 mlrd teńgeni qurady.
2018 jyldyń 6 aıy ishinde jalpy kólemi 96,6 myń sharshy metr turǵyn úı paıdalanýǵa berilgen.
Qala boıynsha tirkelgen shaǵyn jáne orta kásipkerlik sýbektileriniń sany 516 birlikke kóbeıip, 8313 jetti. (2017j. 6 aı - 7 797), onyń ishinde zańdy tulǵalar - 1 395, jeke kásipkerler - 6918, aýyl sharýashylyǵy-19. Shaǵyn jáne orta kásipkerlikte jumyspen qamtylǵandardyń sany 21200 adam.
Jyl basynan beri 2743 jańa jumys orny qurylyp, ótken jylmen salystyrǵanda 8,1%-ǵa ósti (01.07.2017j. - 2537 jumys oryn).Atap aıtsaq: áleýmettik jumys orny - 237, jastar praktıkasy -102, qoǵamdyq jumysqa - 1032, turaqty jumysqa ornalasqandar - 1423.
Bıýdjet qyzmetkerlerin baspanamen qamtamasyz etý maqsatynda 180 páterlik jataqhana qurylysyn salý josparlanýda.
«Osy jyldan bastap óńirimizde «Nur-Kapıtal» baǵdarlamasy júzege asyrylýda. Mamyr aıynan beri «Nur-Kapıtal» baǵdarlamasynyń negizinde Óńirlik úılestirý keńesiniń otyrysynda jalpy somasy 639,3 mln teńgeniń 27 jobasy maquldandy. Atalǵan baǵdarlama aıasynda aldaǵy ýaqytta 327 jańa jumys orny qurylady. Osy jyldyń sońyna deıin jobalardyń 60% ashylady dep josparlanýda. Sondaı-aq, «Memlekettik - jekeshelik áriptestik baǵdarlamasy» aıasynda, «Solnyshko» balabaqshasy men JK «Jalymbetov» ońaltý ortalyǵynyń jobalary iske asyrylýda», - dedi qala ákimi Ádilbek Daýylbaev.
Tupqaraǵan aýdanynyń ákimi Temirbek Asaýovtyń málimetinshe, 2018 jyldyń birinshi jartyjyldyǵynda aýdannyń ónerkásip ónimderiniń óndiris kólemi- 325 mlrd 643 mln 200 myń teńgeni qurap, ótken jyldyń tıisti kezeńimen salystyrǵanda 94 mlrd 818 mln teńgege kóbeıgen /01.07.2017 jyly - 230 mlrd 825 mln 200 myń teńgeni qurady/.
Aǵymdaǵy jyldyń qańtar - mamyr aılaryna aýdanda 1 843,5 myń tonna shıki munaı óndirilip, oblys kóleminiń 24,6 % qurady.
Ónerkásip ónimderiniń naqty kólem ındeksi - 104,2% qurady.
Aýyl sharýashylyq ónimderiniń jalpy shyǵarylymy- 732 mln 700 myń teńge /2017j.-517,3 mln teńge/ naqty ındeks kólemi - 102,1%.
Negizgi kapıtalǵa salynǵan ınvestıtsııa - 21 mlrd 722 mln 200 myń teńgeni qurap, ótken jyldyń osy kezeńimen salystyrǵanda 2 mlrd 418 mln 900 myń teńgege nemese 3,4 % kóbeıgen (01.07.2017j. - 19 mlrd 303 mln 300 myń teńge).
Jalpy kólemi 32,3 myń sharshy metr turǵyn úı iske qosyldy, byltyrǵy jyldyń osy kezeńine qaraǵanda 2,6 myń sh.m. kóbeıgen, nemese 108,6% / 01.07.2017 jyly - 29,7 sh.m. Turǵyn úı qurylysynyń negizgi qarjylandyrý kózderi úles salmaǵy 100% - dy quraıtyn salýshylardyń menshikti qarajatynan boldy.
«Kásipkerlerdi qoldaý baǵytynda shaǵyn nesıelendirýge osy jyldyń 6 aıynda barlyǵy-12 adam 54,5 mln teńge kóleminde nesıege qol jetkizdi nemese 227,1% /2017j.- 3 kásipker 24,0 mln teńge/. Aýdan boıynsha 2018 jyldyń 1 shildesine deıin Shaǵyn jáne orta kásipkerlik salasynda tirkelgen sýbektileriniń sany 1851 birlikti qurady, ol 2017 jyldyń sáıkes kezeńimen salystyrǵanda /1717 birlik, (+134) 8%-ǵa joǵary. «2018 jylǵy «Nur Kapıtal» óńirlik baǵdarlamasy aıasynda aýdannan barlyǵy oblystyq úılestirý keńesinen 16 joba qoldaý tapty /somasy - 310,796 mln teńge, josparlanǵan jańa jumys orny- 150/. Kelesi kezekte usyný úshin 7 joba qarastyrylýda /somasy 150,4 mln teńge, jańa jumys orny 104/», -dedi aýdan ákimi Temirbek Asaýov.
Jıyn sońynda oblys ákimi Eraly Toǵjanov aýdan ákimderine bilim berý, densaýlyq saqtaý salasynda sapaly qyzmet kórsetýdi arttyrý boıynsha birneshe tapsyrma berdi.
