Jańaózenge jaqyn jerde munaı ónimderi órtendi
ASTANA. QazAqparat - 28 jeltoqsanda Jańaózennen soltústikke qaraı alty shaqyrym jerde «Ózenmunaıgaz» AQ MGÓB-3 (munaı-gaz óndirý basqarmasy) mekemesiniń aýmaǵynda uńǵymaǵa jaqyn jerde munaı ónimderi órtendi. Oqys oqıǵadan eshkim zardap shekpedi. Bul týraly Mańǵystaý oblystyq TJD-nyń órt sóndirý jáne avarııalyq qutqarý jumystary boıynsha qyzmetiniń baspasóz qyzmeti habarlady.
Kezekshige saǵat 04:21-de órt týraly habar kelip túsken. Bes mınýttan soń oqıǵa ornyna «Semser órt sóndirýshi» JShS-nyń qyzmetkerleri kelip jetken, dep jazady Lada.
«№61 qondyrǵy mańyndaǵy №4412 uńǵymanyń janynda munaı ónimderiniń órtke oranǵany týraly habar kelip tústi. Ol MGÓB-3 mekemesine tıesili. Bul qondyrǵy Jańaózennen soltústikke qaraı alty shaqyrym jerde ornalasqan. Órt saǵat 04:55-te oqshaýlanyp, saǵat 05:00-de tolyq sóndirildi. Alty sharshy metrdi jalyn sharpydy. Órtten kelgen shyǵyndy anyqtaýshy belgileıdi», - dep habarlady atalmysh vedomstvo.
