Jańaózendik stýdent Qazaqstannyń Koreıadaǵy elshiliginde daýys berdi
SEÝL. KAZINFORM — Sheteldegi barlyq referendým ýchaskeleri Qazaqstannyń dıplomatııalyq ókildikteriniń aýmaqtarynda uıymdastyrylǵan. Bul týraly Mańǵystaý oblystyq Óńirlik kommýnıkatsııa ortalyǵynyń baspasóz qyzmeti málim etti.
Ońtústik Koreıanyń Seýldegi № 390 ýchaskede «Yonsei University language institute» stýdenti, otandasymyz Janarys Malık óz tańdaýyn jasady. Ol jáne ózge de qazaqstandyqtar dıplomatııalyq ókildikterdiń kúsh-jigeriniń arqasynda referendýmǵa qatysý múmkindigine ıe bolyp otyr.
— Men Jańaózen qalasynyń turǵynymyn. Osy Seýldegi Yonsei til ınstıtýtynyń stýdentimin. Ózimniń konstıtýtsııalyq quqyǵymdy paıdalanyp, saılaý ýchaskesine kelip, daýsymdy berip jatyrmyn. Shetelde daýys berý kúni, týǵan jerden jyraqta júrgen biz úshin tek saıası erikterin bildiretin kún ǵana emes, sonymen birge otandastarymyz kezdesýdiń, sońǵy jańalyqtardy talqylaýdyń jáne demalys kúndi jerlesterdiń ortasynda ótkizýdiń tamasha múmkindigi», - deıdi Janarys Malık.
