Jańaózendik jigit 93 metr ǵımaratqa saqtandyrý quralynsyz órmelep shyqqan

MAŃǴYSTAÝ OBLYSY. QazAqparat – Jańaózendik Amandyq Moldaǵulov 93 metr ǵımaratqa 10 mınýttyń ishinde eshqandaı saqtandyrý quralynsyz órmelep shyqqan, dep habarlaıdy QazAqparat óńirlik «Mańǵystaý» telearnasynyń resmı saıtyna silteme jasap.

«Bala kezimnen kaskader bolýdy armandadym. Únemi bıikte júrgendi unatatynmyn. Asa qaýipti ekenin bilemin, biraq mende eshqandaı qorqynysh bolmaıdy. 93 metr ǵımaratqa 10 mınýt aralyǵynda órmelep shyǵý jeke rekordym dep sanaımyn. Meniń ónerimdi tamashalaǵan barsha azamattardan bul trıýkterdi qaıtalamýyn suraımyn», - dedi Amandyq Moldaǵulov.

Amandyq Moldaǵulov tek nysandarǵa órmelep qana qoımaı, bıiktikte turyp túrli dene jattyǵýlaryn jasaı alady. Bul asa qaýipti bolǵandyqtan, jergilikti polıtsııa ókilderi jańaózendik «órmekshi adamǵa» eskertý jarııalaǵan.

Avtor: Álıhan Asqaruly