Jańaózendik jastar «Dańq» alleıasyn tazartty

AQTAÝ. QazAqparat - Jańaózendik jastar Uly Otan soǵysy ardagerleriniń «Danq» alleıasynda senbilik ótkizdi, dep xabarlaıdy Qazaqparat tilshisi.

«Nur Otan» partııasy Jańaózen qalalyq fılıaly janyndaǵy «Jas Otan» jastar qanatynyń músheleri men qalalyq jumyspen qamtý jáne áleýmettik baǵdarlamalar bóliminiń qyzmetkerleri munaıly shaharyndaǵy «Shańyraq» shaǵyn aýdanynda ornalasqan «Danq» alleıasynda senbilik ótkizip, qalany tazartýǵa óz úlesin qosty.

Atalǵan shara «Nur Otan» partııasynyń «Ardagerlerdi ardaqtaıyq» jobasynyń «Urpaq jadynda» aktsııasy ataýymen ótkizildi. Atalǵan sharada erikti jastar jáne memlekettik qyzmetshiler alleıany tazalap, mańyn abattandyryp, kóshetter otyrǵyzdy. Aǵashtardyń túpterin áktep, aınalany kúl-qoqystan tazartty.