Jańaózendik toqylǵan oıynshyqtardy satyp, kásibin keńeıtkisi keledi

JAŃAÓZEN. QazAqparat - Jańaózen qalasynyń 23 jastaǵy turǵyny Anar Joldybaeva jipten ár túrli oıynshyq toqıdy, dep habarlaıdy QazAqparat tilshisi.

«Kishkentaıymnan toqyma toqyǵandy janym súıedi. Eń alǵash oramal toqyp bastadym. Sodan qyzyǵýshylyǵym arta tústi. Al oıynshyq toqýdy ıýtýb platformasynan úırendim. Búginde oıynshyqtaryma kóp adam qyzyǵýshylyq tanytyp, satyp alady. Toqyma toqý júıke júıesi men mı jumysyn jaqsartady», - dedi Anar Joldybaeva.

Ol aldaǵy ýaqytta memleket tarapynan kórsetiletin qoldaý arqyly shaǵyn nesıe alýdy kózdep otyr. Súıikti isin damytyp, toqylǵan oıynshyqtar satatyn dúken ashýdy josparlaǵan.