Jańaózendik polıtseıler qarýlanǵan qaraqshylar tobyn quryqtady
ASTANA. 10 shilde. QazAqparat - Mańǵystaý oblysy Jańaózen qalasynda polıtsııa qyzmetkerleri jeke fırmanyń keńsesine shabýylmen kirgen tórt kúdiktini anyqtap, qolǵa túsirdi.
Bul týraly búgin QR ІІM resmı ókili Nurdildá Oraz málim etti.
Málim etilgendeı, ótken aıdyń sońynda betterin tumshalaǵan qaraqshylar ǵımarattyń ishine qarýmen basa-kóktep kirip, qoqan-loqy kórsetý arqyly úsh kúzetshiniń qol-aıaqtaryn baılap tastaǵan. Odan keıin keńse dırektorynyń bólmesinen ishinde 100 myń teńge men mekemeniń qujattary bolǵan seıfti alyp ketken.
Ustalǵandar 23-24 jas aralyǵyndaǵy azamattar, barlyǵy Jańaózen qalasynyń jumyssyz turǵyndary, buryn sottalmaǵandar. Qaraqshylyq shabýyl faktisi boıynsha qylmystyq is qozǵalyp, kúdiktiler tutqynǵa alyndy.
