Jańaózendik munaıshylar byltyr da QazMunaıGaz ǵımaraty aldynda narazylyq ótkizgen
«Bul joly kelgen munaıshylardyń 19-y byltyr bizdiń ǵımarattyń aldyna kelip, basqa bir kompanııanyń múddesin qorǵap ketken bolatyn. Bıyl odan basqa kompanııanyń múddesin qorǵaýǵa kelipti. Byltyr olardy jumystan shyǵaryp tastaǵan kompanııa bıyl olardy jumysqa alýǵa nıet bildirdi. Bular ǵana emes, biz basshylaryn kezdesýge shaqyrǵan 2-3 kompanııany da mysal retinde aıta alam. Meniń oıymsha, bul kıkiljińniń konstrýktıvti sıpaty joq. Tenderge qatysýshy tarap pen «Ózenmunaıgaz» arasynda qaıshylyq bar», - dedi ol.
Maǵzum Myrzaǵalıev bul másele zań aıasynda sheshilýi kerektigin aıtty.
«Ol konkýrsqa 7 uıym qatysqan. Sonyń ishinde ereýilge kelgen munaıshylar sóz sóılep júrgen kompanııa eń joǵary baǵa usynǵan. Sondyqtan basqa kompanııa jeńiske jetti. Ana kompanııa «Samuryq-Qazynaǵa» júgindi. «Samuryq-Qazyna» sonyń negizinde tekserý júrgizip, konkýrs zańdy ótkeni týraly qorytyndy shyǵardy. Sonda da «Ózenmunaıgaz» tenderdi utqan kompanııa men ereýilge kelgen munaıshylar arasynda kelissóz júrgizdi. Kelissóz áli júrip jatyr. Biraq ol adamdar usynǵan jumysqa shyǵýdan bas tartyp otyr. Bul túrli oıǵa jeteleıdi. Shynymen jumys kerek bolsa, usynǵan shartqa kelisińizder. Onyń ústine 3 jyldyq eńbek shartyn usynatynymyzdy aıtyp otyrmyz», - deıdi «QazMunaıGaz» basshysy.
