Jańaózendik ІT maman oılap tapqan mobıldi qosymshanyń ıgiligin halyq kórip jatyr
«Men Ózbekstanda dúnıege keldim. 2007 jyly otbasym Jańaózen qalasyna kóship keldi. Sol jerde orta bilim alyp, Almaty qalasyndaǵy halyqaralyq bıznes ýnıversıtetinde ІT mamandyǵyn meńgerip shyqtym. 2015 jyly Nursultan esimdi seriktesimmen birigip Jańaózen qalasynda ІT kompanııa ashtyq. Bastapqyda túrli tenderlerge qatysyp, utyp, tapsyrys alyp júrdik. ıAǵnı, mektepterdiń resmı saıtyn júrgizý, beınebaqylaý júıesine qoldaý kórsetý, taǵy sol sııaqty. Keıin kele ózimizdiń birneshe ІT jobamyzdy qolǵa ala bastadyq. Biraq, ókinishke qaraı bizdiń jobalar sátsiz bolyp, júzege aspady. Mysaly, sonyń biri ınnovatsııalyq kommýnaldyq esepteý jobasy. Kommýnaldyq qyzmetke qatysty. Biz 8 boıy pılottyq joba retinde iske asyrdyq, biraq bizdi qoldamady, solaısha jobany jabýǵa týra keldi», - deıdi Nursultan Balııhanov.
2017 jyly jańaózendik ІT maman seriktesimen birge «All Food» atty mobıldi qosymsha jasap shyǵarady.
«Bul mobıldi qosymshany Jańaózendegi dámhana, meıramhana ıeleriniń tapsyrysy boıynsha ázirledik. Qosymshany jasamas buryn dámhana, meıramhana ıelerimen aqyldasyp, zertteý de júrgizdik. Nátıjesinde búginge deıin tabysty iske asyp kele jatqan ІT joba boldy. «All Food» mobıldi qosymshasy arqyly qaladaǵy kez kelgen dámhana, meıramhanadan tamaq tapsyrys berýge bolady. Ol jerde tamaqtaný oryndarynyń ataýy, mekenjaıy, máziri, baǵasy, tipti taǵamnyń quramyna deıin jazylyp turady. Úıde otyryp qalaǵan dámhanadan, qalaǵan tamaqqa tapsyrys bere alasyz. ıAǵnı, bizdiń mobıldi qosymshanyń artyqshylyǵy - barlyq protsess avtomatty túrde júzege asady. Jáne dámhana ıesi de, klıent te ýaqyt joǵaltpaıdy», - deıdi ol.
Avtordyń aıtýynsha, ýaqyt óte kele mobıldi qosymshany qoldaný aıasy keńeıe bastaǵan.
Osylaısha qazirgi tańda Mańǵystaý, ShQO jáne Atyraý oblysyndaǵy 200-ge jýyq dámhana ıeleri ІT jobanyń ıgiligin kórip otyr.
«2019 jyly Aqtaýda ІT jobalar baıqaýy ótti. Biz sol baıqaýda bas júldeni jeńip aldyq. Mobıldi qosymsha qoldanýshylardyń qatary kún sanap artyp keledi. Byltyr pandemııa bastalǵanda Qulsary, Beıneý qalasynyń naryǵyna shyqsaq, bıyl qatarymyz Semeı qalasymen tolyqpaq. Qazirgi kúni 30 myń adam bizdiń mobıldi qosymshany qoldanyp júr. Taǵy bir jaıt - qosymshada dámhanalardyń reıtıngi kórsetilgen jáne qoldanýshy tapsyrystan keıin baǵa berip, unady nemese unamady degen pikir qaldyra alady. Aldaǵy josparymyz - osy jobany odan ári damytyp, elimizdiń basqa da óńirlerine taratý», - deıdi ІT maman.
