03:30, 05 Aqpan 2023 | GMT +5
Jańaózendik gımnasshylar Bakýden oljaly oraldy
JAŃAÓZEN. QazAqparat - Jańaózendik kórkem gımnasshylar Ázerbaıjannyń astanasy Baký qalasynda ótken Victory cup halyqaralyq jarysynan júldemen oraldy, dep habarlaıdy QazAqparat tilshisi.

Jarysta 2010-2018 jylǵy jas gımnasshylar baq synaǵan.
Qazaqstan, Ázerbaıjan, Reseı, Túrkııa, Kýveıt, Birikken Arab Ámirlikterinen ashyq chempıonatqa qatysqan 300-ge jýyq sportshylardyń ishinde jerlesterimiz top jardy.
«№1 balalar jáne jasóspirimder sport mektebiniń gımnastshylary jeke-jeke óner kórsetip, 10 altyn, 7 kúmis júldeni jeńip alsa, «Jaqsy» sport kesheniniń jas gımnasshylary 8 altyn, 7 kúmis, 2 qola medal ıelendi», - dep málim etti Jańaózen qalalyq ákimdiginiń baspasóz qyzmetinen.
Jas gımnasshylar bul halyqaralyq baıqaýda birinshi ret óner kórsetken.