Jańaózendegi jarylystyń sebebi belgili boldy

JAŃAÓZEN. QazAqparat - Jańaózendegi Shuǵyla móltek aýdanynda ornalasqan 2-qabatty úıde gazdyń taraýy saldarynan jarylys boldy. Bul týraly Mańǵystaý oblystyq prokýratýranyń baspasóz qyzmetinen málim etti, dep habarlaıdy, QazAqparat tilshisi.

«17 sáýirde saǵat 4:05 shamasynda Jańaózen qalasy Shuǵyla móltek aýdanynda ornalasqan 2-qabatty úıde gazdyń taraýy saldarynan jarylys boldy. ​Osy fakti boıynsha Mańǵystaý oblysy boıynsha TJD-men birge Qylmystyq kodekstiń 292-babynyń 3-bóligimen sotqa deıingi tergep-tekserý bastaldy», - delingen baspasóz málimetinde.

​Atalǵan is boıynsha oblys prokýratýrasymen protsestik prokýrorlar toby aıqyndalyp, oblystyq Tótenshe jaǵdaılar jáne Polıtsııa departamentteri basshylarynyń birleksen buıryǵy negizinde vedomstvoaralyq jedel-tergeý toby quryldy.

​Sotqa deıingi tergep-tekserý oblys prokýratýrasynyń baqylaýynda. Tergeý áreketteri jalǵasyp jatyr.

Osyǵan deıin qylmystyq is qozǵalyp, 4 adam qaza tapqanyn jazǵan edik.