Jańaózendegi jarylys úıindisiniń astynda taǵy adam bolýy múmkin be – TJM málimet berdi

ASTANA. QazAqparat – Tótenshe jaǵdaılar mınıstrligi órtke qarsy qyzmet komıtetiniń tóraǵasy Nurbolat Derbisov ortalyq kommýnıkatsııalar qyzmetinde ótken brıfıngide Jańaózendegi jarylystan qulaǵan úıdiń úıindisin arshý jumystary aıaqtalýǵa jaqyn ekenin málim etti, dep habarlaıdy QazAqparat tilshisi.

«Qazir úıindi astynda adam bolýy múmkin dep aıta alamyz ba?» dep surady BAQ ókili.

Tótenshe jaǵdaılar mınıstrliginiń ókili olaı aıtýǵa áli erte ekenin túsindirdi.

«Endi eshteńe dep aıta almaımyz. Negizinen jerdegi úıindini arshý jumystary tolyǵymen aıaqtalýǵa jaqyndap qaldy. Sondyqtan úıindi astynda adam bolsa, osy ýaqytqa deıin syrtqa shyǵaratyn edik. ıAǵnı, joq desek, durys bolady dep oılaımyn», - dedi Nurbolat Derbisov.

Aıta keteıik, buǵan deıin Jańaózendegi apat kezinde qaza bolǵandar sany 4 adamǵa jetkenin jazǵan edik.

Keıin oblys prokýratýrasy Jańaózendegi jarylystyń sebebin aıtty.