Jańaózendegi jarylys: qutqarýshylar úsh adamnyń denesin tapty

ASTANA. QazAqparat - Qutqarýshylar Jańaózendegi jarylys bolǵan jerdegi úıindilerdiń astynan taǵy úsh adamdy qutqaryp aldy, olar din aman. Sondaı-aq taǵy úsh adamnyń denesi tabyldy. Olardyń biri er adam, ekinshisi áıel adam, úshinshisi bala.

QR Tótenshe jaǵdaılar mınıstrliginiń baspasóz qyzmeti taratqan aqparatqa qaraǵanda, qazirgi jaǵdaı boıynsha qutqarýshylar úıindilerdiń astynan barlyǵy 4 adamdy jáne 3 adamnyń denesin alyp shyqty.

Qutqarylǵandardy jáne medıtsınalyq kómekke júgingenderdi qosqanda barlyǵy 8 adam aýrýhanaǵa jatqyzyldy.

Úıindilerdi taldaý boıynsha izeý jumystaryna 40-qa jýyq tehnıka men 350-ge jýyq adam jumyldyryldy. Olardyń arasynda qutqarýshylar, onyń ishinde kınologııalyq eseptop, Ulttyq ulannyń áskerı qyzmetshileri, jergilikti atqarýshy organdar, jedel medıtsınalyq kómek, polıtsııa, eriktiler bar.