Jańaózendegi jarylys: qaza bolǵandar sany 3-ke jetti

JAŃAÓZEN. QazAqparat - Jańaózendegi úıindi astynan taǵy 2 adamnyń denesi tabyldy, dep habarlaıdy TJM baspasóz qyzmeti.

Qutqarýshylar úıindilerden taǵy úsh adamdy tirideı alyp shyqty: er adam, áıel adam jáne bir bala.
Qazirgi jaǵdaı boıynsha qutqarýshylar úıindilerdiń astynan 4 aman qalǵan adam men 3 adamnyń denesin alyp shyqty.
Qutqarylǵandardy jáne medıtsınalyq kómekke júgingenderdi qosqanda barlyǵy 8 adam aýrýhanaǵa jatqyzyldy.
Úıindilerdi taldaý boıynsha jedel jumystarǵa 40-qa jýyq tehnıka men 350-ge jýyq adam jumyldyryldy: qutqarýshylar, onyń ishinde kınologııalyq eseptop, Ulttyq ulannyń áskerı qyzmetshileri, jergilikti atqarýshy organdar, jedel medıtsınalyq kómek, polıtsııa, eriktiler.

Aıta keteıik, búgin tańda Jańaózendegi 2 shaǵyn aýdandaǵy 12 páterli 2 qabatty úıde jarylys bolǵan edi.