Jańaózendegi jarylys deregi boıynsha qylmystyq is qozǵaldy.

JAŃAÓZEN.QazAqparat - Jańaózendegi jarylys deregi boıynsha qylmystyq is qozǵaldy. Bul týraly Mańǵystaý oblysy ákiminiń baspasóz qyzmetinen málim etti, dep habarlaıdy QazAqparat tilshisi.

Qaıtys bolǵandar sany 4 adam boldy.

Bul jerde vedomstvoaralyq komıssııa jumys isteıdi, jarylys deregi boıynsha qylmystyq is qozǵaldy.

Aýrýhanaǵa jatqyzylǵandardyń barlyǵy travmatologııa bólimshesinde em alady. Al jaǵdaıy aýyr turǵyndar jansaqtaý jáne qarqyndy terapııa anestezıologııa bólimshesine, bir patsıent oblystyq aýrýhanaǵa jedel avıatsııalyq tikushaqpen jetkiziledi.

«Qaıtys bolǵan azamattardyń otbasyna qaıǵyra kóńil aıtamyn. Zardap shekkenderge jáne olardyń otbasylaryna materıaldyq kómek kórsetiledi, jańa turǵyn úı beriledi. Apattyq jumystarǵa kómek kórsetken eriktiler men qala turǵyndaryna alǵys aıtamyn. Qazirgi ýaqytta barlyq adam úıindilerden shyǵaryldy», - dedi Nurlan Noǵaev.

Úıindilerdi tazartý jumystary jalǵasýda.