Jańaózendegi jaǵdaı: Mańǵystaý oblysyna Eraly Toǵjanov barady

NUR-SULTAN. QazAqparat – Mańǵystaý oblysyndaǵy áleýmettik-ekonomıkalyq jaǵdaıdy qaraıtyn Úkimettik komıssııany QR Premer-Mınıstriniń orynbasary Eraly Toǵjanov basqaratyn boldy, dep habarlaıdy QazAqparat tilshisi. Bul týraly QR Premer-Mınıstriniń baspasóz qyzmeti habarlady.

«Komıssııany E.Toǵjanov basqarady. Erteń tańerteń QR Premer-Mınıstriniń orynbasary E.L.Toǵjanov, QR energetıka mınıstri M.M. Myrzaǵalıev jáne Bsákelestikti qorǵaý jáne damytý agenttiginiń tóraǵasy S.M.Jumanǵarın Aqtaýǵa ushady», - delingen habarlamada.

Buǵan deıin QR Premer-Mınıstri Asqar Mamınniń ókimimen Mańǵystaý oblysyndaǵy áleýmettik-ekonomıkalyq jaǵdaıdy qaraý úshin Úkimet komıssııasy qurylǵanyn jazǵan bolatynbyz.

Eske salsaq, Memleket basshysy Qasym-Jomart Toqaev Twitter-degi suıytylǵan gaz baǵasynan bastalǵan paraqshasynda Jańaózendegi jaǵdaıǵa qatysty jazba jarııalaǵan bolatyn.

«Úkimetke Jańaózendegi jaǵdaıdy ekonomıkalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tıis. Azamattardyń jergilikti jáne ortalyq bılik organdaryna talabyn ashyq aıtýǵa quqyǵy bar, biraq, bul zańǵa, naqtyraq aıtqanda, beıbit sherýler týraly zańǵa sáıkes júzege asyrylýy kerek», delingen jazbada.