Jańaózendegi jaǵdaı, búkil oblys aýmaǵyndaǵydaı qalypty - Bas prokýratýra ókili
ASTANA. 20 jeltoqsan. QazAqparat /Rýslan Ǵabbasov/ - 16 jeltoqsannan búginge deıin Jańaózende quqyq buzýshylyqtar úshin ákimshilik jaýapkershilikke 38 adam tartyldy.
Bul týraly búgin Astanada ótken brıfıngte Bas prokýratýranyń resmı ókili Nurdáýlet Súıindikov málim etti. «Atap aıtqanda, qylmys jasady degen kúdikpen, ıaǵnı jappaı tártipsizdikti uıymdastyrý jáne oǵan qatysý turǵysynda 10 adam ustaldy. Onyń 8-i sottyń sanktsııasymen qamaýǵa alyndy», dedi resmı ókil. Onyń sózine qaraǵanda, Jańaózendegi jaǵdaı, búkil oblys aýmaǵyndaǵydaı qalypty jáne quqyq qorǵaý organdarynyń baqylaýynda tur. Jańaózen qalasynda jáne Shetpe kentinde ótken táýlik ishinde birde-bir qylmys jasaý faktisi tirkelgen joq.
