Jańaózendegi saýda ortalyǵyna bomba qoıyldy dep jalǵan habarlaýshy sottaldy
Jańaózen qalalyq sotynda S.-ǵa qatysty qylmystyq is qaralǵan.
Іs materıaldaryna sáıkes, sottalýshy S. mas kúıinde, otbasyndaǵy qıynshylyqtardan týyndaǵan kúızelis jaǵdaıynda Jańaózen qalalyq ishki ister basqarmasynyń jedel basqarý ortalyǵynyń №102 nómirine qońyraý shalyp, «Jańaózen qalasy, «Samal» shaǵyn aýdanynda ornalasqan «Zıba» saýda oıyn-saýyqtyrý kesheni ǵımaratynyń jertólesinde jarylǵysh zat bar, ol 5-6 mınýttan keıin jarylady», dep qońyraý shalǵan.
Sot otyrysynda S. terrorızm aktisi týraly qasaqana jalǵan habarlaǵanyn moıyndaıtynyn jetkizdi. Onyń kinási aıǵaqtarmen dáleldendi.
«Jańaózen qalalyq sotynyń úkimimen S. Qazaqstan Respýblıkasynyń Qylmystyq kodeksiniń 273-baby boıynsha aıypty dep tanylyp, oǵan 2 jyl merzimge bas bostandyǵynan aıyrý jazasy taǵaıyndaldy», dep habarlaıdy qalalyq sottyń baspasóz qyzmeti.
Úkim zańdy kúshine engen joq.
