Jańaózendegi nysandarǵa 40 pandýs ornatyldy

JAŃAÓZEN. QazAqparat - Jańaózendegi áleýmettik nysandarǵa 40 pandýs ornatyldy. Bul týraly Jańaózen qalalyq ekonomıka jáne bıýdjettik josparlaý bóliminiń basshysy Nurjuma Gýmarova málim etti, dep habarlaıdy QazAqparat tilshisi.

«Búginde qalamyzdaǵy mektep, aýrýhana, kitaphanalar men áleýmettik qorǵaý mekemeleri múmkindigi shekteýli azamattardyń júrip-turýyna, ózderine tıesili qyzmetti paıdalanýyna tolyqqandy jaǵdaı jasalǵan. Áleýeti áljýaz topty meılinshe qoldaý tek áleýmettik sala qyzmetkerleriniń ǵana mindeti emes, barshamyzdyń paryzymyz dep qaraýymyz kerek. Jańaózen qalasy múmkindigi shekteýli adamdar úshin kedergisiz aımaqqa aınalýy qajet» - dedi Nurjuma Gýmarova.

Buǵan deıin Jańaózen qalasynda belsendi jastardyń bastamasymen ortalyq saıabaqta múgedek adamdar úshin týyndaıtyn jol kedergileri tegisteldi.