Jańaózendegi qarastyrylǵan sharalardy qarjylandyrý Úkimet rezevri esebinen júzege asyrylady - Qaırat Kelimbetov
ASTANA. 20 jeltoqsan. QazAqparat /Rýslan Ǵabbasov/ - Búgin Úkimet otyrysynda Jańaózendegi tártipsizdiktiń saldaryn joıý maqsatyndaǵy sharalar josparyn qarastyratyn Qaýly bekitildi.
Atalǵan qujatty tanystyrǵan Ekonomıkalyq damý jáne saýda mınıstri Qaırat Kelimbetov bunda Jańaózendegi Úkimettik komıssııanyń sheshimi eskerilgenin jetkizdi. Sharalar jospary 7 baǵytty qarastyrady. Budan buryn Ó.Shókeev habarlaǵandaı, Úkimettik komıssııa 7 top boıynsha jumys istep jatyr. Atap atıqanda, onda tótenshe jaǵdaılar, nysandardy qalpyna keltirý, áleýmettik qamtamasyz etý, azyq-túlikpen qamtamasyz etý, halyqty aqparattandyrý, quqyqtyq qamtamasyz etý sekildi toptar jumys jasap jatyr. Bul jospardyń jobasynda iske asyrylatyn jumystardyń naqty merzimi men jaýapty tulǵalar anyqtalady. «Qarastyrylǵan sharalardy qarjylandyrý Úkimet rezervi esebinen júzege asyrylady», -dep túıindedi Q. Kelimbetov.
