Jańaózendegi apattan jaraqat alǵan júkti áıel sábıinen aıyryldy
JAŃAÓZEN. QazAqparat – Jańaózende jarylystan zardap shekken júkti áıel túsik tastady. Al ózine ota jasalyp jatyr, dep habarlaıdy QazAqparat tilshisi.
«Iá, platsenta jatyrdan bólinip, ota jasaldy. Ol júktiliktiń 17-18-shi aptasynda eken. Qazir keýde omyrtqasyna ota jasalyp jatyr», - dedi Jańaózen qalalyq kópbeıindi aýrýhanasynyń dırektory Serik Asqarov.
Oqıǵa saldarynan 13 adam ortalyq aýrýhanaǵa jetkizilgen.
Onyń jeteýi - balalar, olar jaraqatynyń jeńildigine baılanysty úılerine qaıtarylǵan.
Qalǵandaryna medıtsınalyq kómek kórsetilip jatyr. Sonymen qatar travmatologııalyq bólimge túsken ortasha jaǵdaıda kúıik alǵan 2 kishkentaı qyz em alyp jatyr.
Al reanımatsııa bólimine túsken er adamǵa ota jasalǵan.
Jalpy jarylystan 3 naýqas aýyr halde jatyr. Onyń biri jedel járdemmen Mańǵystaý oblystyq kópsalaly aýrýhanasyna jetkizildi. Dárigerlerdiń baqylaýynda.
Oqıǵaǵa oraı qylmystyq is qozǵalyp, barlyǵy 4 adam qaza tapqanyn jazǵan edik.
