Jańaózendegi apatqa kináli azamat 5 jylǵa sottaldy
AQTAÝ. QazAqparat - Osydan toǵyz aı buryn Jańaózen qalasynda bolǵan jantúrshigerlik apatqa qatysty sot úkimi shyqty,dep habarlaıdy QazAqparat tlishisi.
Uzaqqa sozylǵan sot protsesiniń qorytyndysy shyǵyp, apatqa dıspetcher kináli dep tanyldy. Sot úkimi boıynsha, ol bes jylǵa deıin bas bostandyǵynan aıyryldy.
«Esentemir Tanaýov QR Qylmystyq kodeksiniń 344-baby, 3-bóligi boıynsha kináli dep tanylyp, oǵan 3 jyl temir jol salasynda qyzmet atqarý quqyǵynan jáne 5 jyl bas bostandyǵynan aıyrý jazasy taǵaıyndaldy»,-deıdi Jańaózen qalalyq sotynyń sýdıasy Mahambet Toltanov.
Alaıda, zardap shekkender bul úkimmen múlde kelispeıdi. Dıspetcherge taǵaıyndalǵan jaza tym jeńil dep sanaıdy olar.
«Qyrýar adamnyń ólimine sebep bolǵan dıspetcherge jeńil jaza berildi. Kelispeımin. Men joǵary sotqa aryzdanamyn»,-deıdi zardap shegýshiniń týysy Sándibek Jańabaev.
Sot úkimi 15 táýlikten keıin kúshine enedi. Oǵan deıin taraptar apellıatsııalyq sotqa júgine alady.
Aıta keteıik, 2017 jyldyń qarasha aıynda «teplovoz» ben gazel soqtyǵysyp, toǵyz adam ajal qushqan bolatyn. Jıyrma shaqty adam jaraqat alyp, olardyń arasynda tipti ómir boıyna zaǵıp bolyp qalǵandar bar. Zardap shekkkenderge bes júz myńnan jeti mıllıon teńgege deıin ótemaqy berilgen bolatyn.
