Prezıdent: Jańaózen gaz óńdeý zaýyty qurylysynyń keshigýi — Úkimettiń óreskel olqylyǵy
ASTANA. KAZINFORM — Bul týraly Qasym-Jomart Toqaev Mańǵystaý oblysynyń áleýmettik-ekonomıkalyq damýy jónindegi keńeste aıtty, dep habarlaıdy Aqordanyń baspasóz qyzmeti.
Prezıdent Úkimet osy máseleni qatań baqylaýǵa alýy kerek ekenin qadap aıtty.
— Úshinshi. Men buǵan deıin Jańaózendegi gaz óńdeý zaýytyn 2024 jylǵa qaraı iske qosý týraly tapsyrma berdim. Biraq túrli rásimder sozylyp, merdigermen kelisim-shartqa byltyr ǵana qol qoıyldy. Sonyń saldarynan zaýytty iske qosý merzimi 2027 jylǵa qalyp qoıdy. Bul — Úkimettiń óreskel olqylyǵy. Úkimet osy máseleni qatań baqylaýǵa alýy kerek, — dedi Toqaev.
Osyǵan deıin Memleke basshysy Mańǵystaý oblysyndaǵy halyq sany bir mıllıonǵa jetýi yqtımal ekenin aıtty.
Keńes barysynda Memleket basshysy Úkimet pen «Samuryq-Qazyna» qoryna aımaqtaǵy sý tapshylyǵyn azaıtý úshin naqty sheshim qabyldaýdy tapsyrdy.