Jańaózende «Jumys jasaımyn» jobasy iske asyrylýda

AQTAÝ. QazAqparat – Mańǵystaý oblysynyń Jańaózen qalasynda turǵyndardyń jumyspen qamtylýyna yqpal etý maqsatynda «Jumys jasaımyn» jobasy iske asyrylýda, dep habarlaıdy QazAqparat tilshisi Jańaózen qalasy ákimdiginiń baspasóz qyzmetine silteme jasap.

«Bıyl 1 sáýirden Jańaózen qalalyq jumyspen qamtý ortalyǵynda tirkeýde turǵan azamattardy «Jumys jasaımyn» jobasy arqyly jumyspen qamtý josparlanýda. Qazirgi ýaqytta jumyssyzdar kezeginde 76 adam tur. Olardyń ishinen 28 adamdy «StroıPlastAktaý» JShS mekemesi, 48 adamdy «Korkem Alem» JShS mekemesi jumysqa qabyldaıdy. Aldaǵy ýaqytta jumysshylar sanyn 500 adamǵa jetkizý kútilýde»- deıdi Jańaózen qalalyq jumyspen qamtý ortalyǵynyń dırektory Nurtaza Mynbaeva.

Budan bólek, Rahat aýylynda sıymdylyǵy 300 oryndyq mádenıet úıiniń qurylys jumystarynda 85 adam, Qyzylsaı aýylyndaǵy dárigerlik ambýlatorııa qurylysynda 85 adam jumys istep jatyr.

Qalalyq jumyspen qamtý ortalyǵynyń málimetinshe mundaı sharalar júzegeasyrý arqyly qaladaǵy jumyssyzdyq máselesin kezeń-kezeńimen sheshý josparlanyp otyr.