Jańaózende jezóksheler karantın ýaqytynda monshada qyzmet kórsetken
Mańǵystaý oblysy Polıtsııa departamentiniń krımınaldyq polıtsııa qyzmetkerleri Jańaózen qalasynda túngi reıd sharalaryn júrgizgen.
5-shi tamyz kúni túngi saǵat 23.20-da vokzaldyń janynda karantın rejıminiń shekteýli sharalaryna qaramastan jumys istegen saýna anyqtaldy. Polıtseıler saýnanyń ákimshisi men 7 qyzdy ustady.
Ustalǵandardy kim ekenin anyqtaý úshin Jańaózen qalalyq polıtsııa basqarmasyna jetkizilgen.
Keıin saǵat túngi 23.40 shamasynda jáne 2-lerde «Shańyraq», «Astana» shaǵynaýdandarynda jumys istegen saýnalardan 9 áıel adam men ákimshiler ustaldy.
Polıtsııa departamentiniń bastyǵy Janarbek Baqtybaevtyń aıtýynsha, tekserý barysynda qyzdar monshaǵa kelýshilerge ıntımdik qyzmet kórsetken.
«Jetkizilgen barlyq qyzdar «jezókshelik» sanatyna esepke qoıyldy. Ustalǵandarǵa QR ÁQBtK-niń 425-baby boıynsha ákimshilik quqyqbuzýshylyq týraly hattamalar toltyryldy. Olar boıynsha materıaldar Mańǵystaý oblysy boıynsha sanıtarlyq-epıdemıologııalyq qadaǵalaý departamentine jiberildi», - dedi polıtsııa basshysy J. Baqtybaev.