Jańaózende jedel járdem qyzmetiniń jumysy kúsheıdi
AQTAÝ. QazAqparat - Jańaózen qalalyq jedel járdem stansasynda 132 qyzmetker jumys isteıdi. Onyń ishinde 1 dáriger, 1 aǵa feldsher, 70 feldsher, 48 júrgizýshi jáne basqa mamandar — barlyǵy 11 brıgada bar. Jumys táýlik boıy aýysymmen jalǵasyp jatyr, dep habarlaıdy QazAqparat tilshisi.
Jedel járdem shaqyratyn qońyraý telefonǵa emes, jumys planshetine túsedi.
Jańaózendegi jedel járdem bólimi zamanaýı qural-jabdyqpen qamtylǵan.
«Búginde jedel járdem qyzmeti kúsheıtilgen rejımde jumys isteıdi. Bir kúnde ortalyqqa 90 qońyraý shamasynda túsedi. Bir kúnde bir brıgada 8-den astam shaqyrtýǵa qyzmet kórsetedi. Ár maman óz mindetine jaýappen qaraıdy. Sebebi, adam ómirin qutqarý bizdiń mamandardyń qolynda», - dedi Jańaózen qalalyq jedel járdem stansasynyń bólim meńgerýshisi Sara Orynbaeva.
Mamandar birinshi deńgeıdegi shuǵyl shaqyrtýǵa 10 mınýtta, ekinshi deńgeıge 15 mınýtta, úshinshi mınýtta 30 mınýtta jetýi tıis. Tórtinshi deńgeıdegi shaqyrtýǵa 1 saǵattyń ishinde barýy qajet.
Eske salaıyq, Mańǵystaý oblystyq jedel járdem qyzmetiniń 14 shaǵyn stansasy bar. Kún saıyn 52 brıgada shaqyrtýǵa barady.
Avtory: Arýjan Saptarova
