Jańaózende jarylystan zardap shekken áıel esin jıdy

AQTAÝ. QazAqparat – Jańaózende jarylystan keıin ortalyq aýrýhananyń jansaqtaý bólimine túsken kelinshek esin jıdy, dep habarlaıdy QazAqparat tilshisi.

«Áıeldiń jaǵdaıy turaqty aýyr, jansaqtaý bóliminde jatyr. Jasandy tynys alý apparatynan ajyratylǵan. Qazir ózi demalyp, dárigerlerdiń suraǵyna jaýap beredi. Al, jansaqtaý bólimindegi ekinshi naýqastyń jaǵdaıy áli de asa aýyr dep baǵalanyp otyr», - dedi qalalyq kópbeıindi aýrýhananyń basshysy Serik Asqarov.

Sondaı-aq, dárigerler travmatologııa bólimshesindegi 1 er adam men 2 qyz balanyń jaǵdaılary turaqty ortasha ekenin aıtady. Oqýshy qyzdarmen psıholog mamandar jumys istep jatyr.

Aıta ketsek, Jańaózen qalasynyń 2-móltek aýdanyndaǵy 2 qabatty úıde jarylys bolyp, 13 adam zardap shekken edi. Jarylystan 4 adam qaza tapty.