Jańaózende jańa kásiporyndar ashylady
Osy maqsatta oblys ákimi Serikbaı Trumovtyń qatysýymen ótken óńirlik keńes músheleriniń keńeıtilgen otyrysynda úshjaqty memorandýmǵa qol qoıyldy. Jańaózen qalasynyń ákimdigi, «Ózenmunaıgaz» AQ jáne oblystyq kásipkerler palatasynyń arasynda júrgizilgen kelisim keleshekte 39 jobany iske asyrýǵa kómektesedi.
Premer-mınıstr Asqar Mamın iri kompanııalardyń jergilikti kásiporyndardy qoldap, olardyń múmkindigin damytý kerektigin tapsyrǵan bolatyn. Osyǵan oraı, Jańaózendegi «Ózenmunaıgaz» AQ-na servıstik qyzmet kórsetetin sheteldik mekemelerdiń sany azaıtylyp, elimizdegi kásiporyndar shaqyryla bastady. Osylaısha, 33 kompanııa qyzyǵýshylyq tanytqan.
«Ózenmunaıgazǵa», «Samuryq Qazynaǵa» tıisti mekemelerdiń lokalızatsııasyn satyp alý, lokalızatsııasyn jasaý, jańa jumys oryndaryn ashý kerek. Sol jobanyń bárin ashsaq, 200-400 jumys ornyn ashylady»,-deıdi Jańaózen qalasynyń ákimi Maqsat Ibaǵarov.
Qyzyǵýshylyq tanytqan kompanııalar Jańaózen qalasynda kásiporyn ashyp, jergilikti turǵyndardy jumysqa qabyldaý kerek. Kelisimsharttyń talaby osy. Osyǵan kelisse, «Ózenmunaıgaz» AQ-men qysqa jáne uzaqmerzimdi shart jasasady. Negizgi maqsat - Jańaózendegi jumyssyzdyqty azaıtý. Bastapqy ýaqytta 8 joba iske qosylyp, 44 jumys orny ashylmaq. Búgingi tańda 2 mekeme kelisimge kelip, 25 adam jumyspen qamtylyp úlgergen.
«2010 jyldan beri munaı salasynda jumys istep kelemiz, munaı qondyrǵylaryn óndirý, jańa tehnologııalardy engizý, qarqyndy jumys jasaýdamyz. Uzaq merzimdi kelisimshartqa otyrdyq. 80-90 adamdy qamtylady. Jartysy vahtalyq tásilmen isteıdi. Eńbekaqy 120 myńnan 350 myńǵa deıin esepteledi»,-deıdi «Tehsnab treıdıng» JShS MOF dırektory Ánýar Tólekeshov.
