Jańaózende J. Qarabalaevanyń ólimine kúdiktilerdiń biri onyń synyptasy bolyp shyqty - ІІM
TANA. 9 qarasha. QazAqparat /Rýslan Ǵabbasov/ - Mańǵystaý oblysynda «Ózenmunaıgaz» kompanııasy kásipodaq belsendisiniń qyzy Jansáýle Qarabalaevanyń ólimine kúdikti taǵy bir adam qamaýǵa alyndy. Bul týraly búgin Astanadaǵy aptalyq brıfıngte ІІM resmı ókili Nurdildá Oraz málim etti.
Aıta keteıik, jedel-izdestirý sharalarynyń nátıjesinde 28 qazanda atalǵan qylmysty jasaýǵa kúdikti retinde jábirlenýshiniń synyptasy ustaldy. «Tergeý barysynda kúdiktiniń 19 tamyzda keshkisin óz týǵan kúninde ishimdik iship, óz joldasymen birge «Nıssan-Patrol» avtomashınasynda kele jatyp, avtomekteptiń janynda synyptasy Qarabalaevany kezdestirgeni anyqtaldy. Boıjetken ózin Jańaózen qalasynyń mańyndaǵy Teńge aýylyna jetkizip tastaýdy ótingen», - dedi ol. Alaıda kúdiktiler J.Qarabalaevany Jańaózen qalasynyń eski áýejaı aýdanyna aldap aparyp, kúsh qoldanyp zorlaǵan. Osydan keıin qylmystaryn jasyrý maqsatynda ony óltirip, denesin sol jerde qaldyryp ketken.
«Qyzdyń synyptasy buryn qaraqshylyq shabýyl jasady degen kúdikpen qalanyń ІІB-ge jetkizilgeni anyqtaldy. Qazirgi kezde kúdiktilerge qatysty sot-bıologııalyq, genomdyq saraptamalar taǵaıyndaldy», - dedi resmı ókil.
Eske sala keteıik, BAQ ókilderi onyń ólimi ereýilge shyqqan munaıshylardyń belsendisi bolǵan Jansáýleniń ákesiniń qyzmetine tikeleı baılanysty bolýy múmkin degen joramaldardy jarııalap ta úlgergen bolatyn.
«Atap aıtqanda, bul qylmysqa ákesiniń qyzmetiniń esh qatysy joq. Dáıekti dálelderdiń nátıjesinde kúdiktiler qylmysty jasaǵandaryn moıyndady», - dedi N. Oraz.
