Jańaózende zańsyz kóshi-qon uıymdastyrǵan qylmystyq top ustaldy
ASTANA. KAZINFORM – QR Іshki ister mınıstrligi zańsyz kóshi-qon arnalaryn joıý baǵytyndaǵy júıeli jumysty jalǵastyryp jatyr, dep habarlaıdy Polisia.kz.
19 qańtar kúni krımınaldyq polıtsııa qyzmetkerleri júrgizgen jedel-tergeý is-sharalarynyń nátıjesinde Mańǵystaý oblysynyń Jańaózen qalasynda zańsyz kóshi-qon arnasyn uıymdastyrǵan qylmystyq toptyń joly kesildi.
Tergeý barysynda ustalǵan adamdardyń taıaý shet memleketterdiń azamattaryna Qazaqstan Respýblıkasynyń memlekettik shekarasyn zańsyz kesip ótýge kómekteskeni anyqtaldy. Olar kórsetken qyzmetteri úshin aqshalaı syıaqy alyp otyrǵan.
Tintý sharalary kezinde kúdiktilerden 500-den astam notarıaldyq senimhat, sheteldik tólqujattar, jalǵan qujattar, sondaı-aq baılanys quraldary tárkilendi.
Atalǵan fakti boıynsha uıymdastyrýshylarǵa qatysty Qazaqstan Respýblıkasynyń Qylmystyq kodeksindegi «Zańsyz kóshi-qondy uıymdastyrý» babyna sáıkes sotqa deıingi tergeý bastaldy.
Іshki ister mınıstrligi kóshi-qon zańnamasyn buzýdyń kez kelgen faktisi jazasyz qalmaıtynyn eskertedi. Zańsyz kóshi-qon arnalaryn anyqtaý jáne jolyn kesý boıynsha jumystar aldaǵy ýaqytta da jalǵasyn tabady.
Aıta keteıik, Eńbek mınıstrligi 2030 jylǵa deıingi kóshi-qon saıasaty tujyrymdamasy jobasyn ázirledi.
