Jańaózende úsh qoıma men eki júk kóligi órtendi

ASTANA. KAZINFORM – Mańǵystaý oblysynyń Jańaózen qalasyndaǵy ónerkásiptik aımaqta órt shyǵyp, úsh qoıma ǵımaraty men eki júk kóligi otqa orandy, dep habarlady Tótenshe jaǵdaılar mınıstrligi.

a
Foto: Vıdeodan alynǵan skrın

Vedomstvo málimetinshe, órt Jańaózen qalasynyń soltústik ónerkásiptik aımaǵynda bolǵan.

Bir-birinen bólek ornalasqan úsh qoıma ǵımaratynan, eki júk kóliginen jáne dızel otynynan órt shyqqan.

– Órt tolyq sóndirildi. Zardap shekkender joq. Órttiń shyǵý sebebi anyqtalýda, – delingen mınıstrlik habarlamasynda.

Tótenshe jaǵdaılar mınıstrligi ónerkásiptik nysandarda órt qaýipsizdigi talaptaryn qatań saqtaý qajettigin eskertti.

Aıta keteıik, buǵan deıin Mańǵystaý oblysynda jyl basynan beri 281 órt tirkelgeni habarlanǵan bolatyn. Bul ótken jyldyń sáıkes kezeńimen salystyrǵanda 15,6%-ǵa kóp. Órttiń basym bóligi turǵyn úıler men kólikterde bolǵan.