Jańaózende ýaqytsha qamaý abaqtysynan qashqandar ustaldy

JAŃAÓZEN. QazAqparat – Polıtsııa qyzmetkerleri búgin izdeýde júrgenderdi ustady. Olar Jańaózen qalasynda ýaqytsha qamaý abaqtysynan qashqan bolatyn, dep habarlaıdy QazAqparat tilshisi departamenttiń baspasóz qyzmetine sileme jasap habarlaıdy.

Kúdiktilerdiń 20 tamyz kúni ýaqytsha qamaý abaqtysynan qashyp ketkeni týraly aqparat taraǵan edi.

Jańaózen qalasy Rahat aýdanynda ornalasqan úılerdiń birinen tabylǵan úsh jigitke osyǵan deıin quqyq qorǵaý organdarymen izdeý salynǵan bolatyn. Olar QR Qylmystyq kodeksiniń 192-bap (Qaraqshylyq) 2-bóligi boıynsha qylmysqa qatysty dep kúdiktelýde.

Ustalǵandar ýaqytsha qamaý ızolıatoryna jetkizildi. Jelide olardy polıtsııa qyzmetkerleriniń ustap jatqany týraly vıdeo da taraǵan.