Jańaózende tanysyn ıntımdik foto-vıdeomen qorqytyp, aqsha bopsalaǵan turǵyn ustaldy
AQTAÝ. KAZINFORM – 26 qańtar kúni saǵat shamamen 14:50-de polıtseıler Jańaózen qalasyndaǵy «Shańyraq» shaǵyn aýdanynda jedel-izdestirý sharalaryn júrgizgen. Nátıjesinde Jańaózen qalasynyń 2004 jyly týǵan turǵyny qolǵa tústi.
Ol Qazaqstan Respýblıkasy Qylmystyq kodeksiniń 194-babynyń 1-bóligi boıynsha qylmystyq quqyqbuzýshylyq jasady degen kúdikke ilindi.
- Tergeý barysynda kúdikti óziniń tanysyn ıntımdik foto jáne vıdeomaterıaldardy jarııalaımyn dep qorqytyp, odan 600 000 teńge bopsalaǵany anyqtaldy. Qylmystyń mán-jaıy tergeý áreketteri barysynda anyqtalýda. Polıtsııa qyzmetkerleri kúdiktiniń kinásin tolyq anyqtaý úshin qajetti tergeý is-sharalaryn júrgizýde, - deıdi oblystyq polıtsııa departamenti uıymdasqan qylmysqa qarsy kúres basqarmasynyń bólim bastyǵy Qýanyshkereı Qyzylbaev.
Kúdiktini tintý kezinde qylmys jasalǵanyn rastaıtyn aıǵaq zattar, sondaı-aq qylmystyq jolmen alynǵan 300 000 teńge tárkilengen.
Atalǵan derek boıynsha qylmystyq is qozǵaldy.
Buǵan deıin, Aqtaýda kontrabandaǵa qatysty qylmystyq top qurǵan azamat 10 jylǵa sottalǵany týraly jazǵan bolatynbyz.