Jańaózende tabıǵı gazdyń jaıylýynan turǵyn úı jaryldy
ASTANA. QazAqparat - Mańǵystaý oblysy Jańaózen qalasynda tabıǵı gaz jaıylyp, jeke turǵyn úı jaryldy, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«16 qarasha kúni saǵat 16:15-te Mańǵystaý oblysy Jańaózen qalasy Rahat-2 shaǵynaýdanyndaǵy jeke turǵyn úıde bolǵan jarylys týraly habarlandy. Oqıǵa ornyna Mańǵystaý oblysy TJD jeke quramynan 20 adam jáne 3 tehnıkasy jumyldyryldy. Alǵashqy órt sóndirýshiler toby 16:30-da jetti», - delingen resmı habarlamada.
Onda tabıǵı gazdyń jaıylýynan gaz-aýa qospasy jarylyp, saldarynan aýmaǵy 204 sharshy metrdi alatyn úı qıraǵan.
Órt sóndirýshiler úıindi astynan eki adamdy qutqardy. Jalpy sany úsh adam túrli jaraqatpen aýrýhanaǵa jetkizildi.
