Jańaózende sot otyrysy mobıldi qosymsha arqyly ótti
AQTAÝ. QazAqparat - Mańǵystaý oblysynyń arnaıy mamandandyrylǵan ákimshilik sotynda «True Conf» qosymshasy arqyly sot otyrysy ótti, dep habarlaıdy lada.kz.
Aıypker jumystan shyǵa almaıtyn bolǵandyqtan sotqa «True Conf» mobıldi qosymshasy arqyly qatysýǵa nıet bildirgen. Sot barysynda málim bolǵanyndaı, ol kólikti mas kúıinde basqarǵan.
«Sot zań buzǵan azamatty kináli dep taýyp, ol 3 jylǵa kólik basqarý quqyǵynan aıyryldy. Úkim zańdy kúshine engen joq»,-dep habarlady sottyń baspasóz qyzmeti.
Baspasóz qyzmeti sonymen qatar Jańaózenniń ákimshilik soty «TrueConf» mobıldi qosymshasy arqyly 6 ákimshilik isti qaraǵandyǵyn málim etti.
