Jańaózende polıtseılerdi kórgen meıramhana ıesi toıdaǵy qonaqtardy ózi qýa bastaǵan
Qalalyq monıtorıng toby reıd kezinde bas sanıtardyń qaýlysyn oryndamaǵan 3 toı men meıramhana ıelerin anyqtady.
Jańaózen polıtsııa bóliminiń baspasóz qyzmeti habarlaǵandaı, toı ústinen túsken monıtorıngtik top músheleri «Aqsulý» meıramhanasyna jınalǵan qonaqtar men qalyńdyqty úıine qaıtardy.
«Toıǵa kelýshilerdiń sany 70 adamnan asyp ketken. Maska taqpaı, áleýmettik ara qashyqtyqty saqtamaǵan. Toı dereý toqtatyldy. Qonaqtar úılerine qaıtty. Al, ekinshi «Eýrazııa» meıramhanasynyń ıesi monıtorıng tobynyń eskertýine qulaq aspady. Esikti ishten kilttep alyp, toıdy toqtatpastan ótkizdi», - delingen baspasóz habarlamasynda.
Budan bólek, «Han shatyr» meıramhanasynyń ıesi polıtseılerdi kórip, toıdaǵy qonaqtardy ózi qýa bastaǵan. Bas sanıtar dárigerdiń qaýlysyn buzǵan kásipkerlerge 500 myń teńge kóleminde aıyppul salyndy.