Jańaózende polıtseılerdi balaǵattaǵan turǵyn jazalandy

JAŃAÓZEN. QazAqparat - Jańaózende eki polıtseıdi balaǵattaǵan turǵynǵa qatysty sot úkimi shyqty, dep habarlaıdy QazAqparat tilshisi.

Jańaózen qalalyq sotynda E-ge qatysty QR KK-niń 378-babynyń 1-bóligimen qylmystyq is qaraldy.

Sotta anyqtalǵandaı, E. Jańaózen qalasy «Shańyraq» shaǵynaýdanynda ornalasqan Jańaózen qalasy PB-nyń qyzmettik bólmesinde ózderiniń qyzmettik mindetterin atqaryp júrgen polıtsııa qyzmetkerleri K. jáne J-ny balaǵattap, ar-namysyna tıetin balaǵat sózderdi aıtqan.

Sottyń úkimimen E. Qazaqstan Respýblıkasy Qylmystyq kodeksiniń 378-babynyń 1-bóliginde kózdelgen qylmystyq teris qylyqty jasaýda kináli dep tanylyp, oǵan 40 saǵatqa qoǵamdyq jumysqa tartý jazasy taǵaıyndaldy.

Úkim zańdy kúshine endi.