Jańaózende «Ózenmunaıgaz» óndiristik fılıalyndaǵy eńbek kelispeýshiligin sheshý jónindegi bitimgerlik komıssııasynyń jumysy aıaqtaldy

dep habarlady Mańǵystaý oblysy ákiminiń baspasóz qyzmetinen.

Komıssııanyń jumysyna oblys ákimi Qyrymbek Kósherbaev, «QazMunaıGaz» Ulttyq kompanııasy» aktsıonerlik qoǵamynyń basqarma tóraǵasy Qaıyrgeldi Qabyldın, Parlament Májilisiniń depýtattary Zeınolla Alshynbaev pen Serık Ospanov, Munaı jáne gaz vıtse-mınıstri Lázzat Qıynov, eńbek jáne halyqty áleýmettik qorǵaý vıtse-mınıstri Birjan Nurymbetov, Ekonomıkalyq damý jáne saýda vıtse-mınıstri Marat Qusaıynov, «Samuryq-Qazyna» Ulttyq ál-aýqat qorynyń basqarýshy dırektory Bolat Aqsholaqov qatysty.

Bitimgershi komıssııanyń músheleri ereýilge qatysýshylardyń resmı talaptarynyń tizbesin qarap shyqty. Sanktsııalanbaǵan narazylyq sharasyna qatysqan «ÓzenMunaıGaz» óndiristik fılıalynyń jumysshylary jalpy eseppen 14 talap qoıǵan. Barlyq talaptar boıynsha tıisti hattamalyq sheshimder qabyldandy.

Atap aıtqanda, jańa eńbek júıesin asý úrdisi toqtatyldy, «Ózenmunaıgaz» óndiristik fılıaly men jumysshylardyń arasyndaǵy jańa ujymdyq kelisimshartta kóterme aýmaqtyq koeffıtsıentti qoldaný máselesi qarastyryldy, buryn qoldanysta bolǵan aýdandyq koeffıtsıentti qalpyna keltirýge qatysty sáıkes zańnamaǵa ózgertýler men tolyqtyrýlar engizý múmkindigin qarastyrý týraly bitimgershi komıssııanyń atynan ýákiletti memlekettik organdarǵa ótinish jasaý týraly sheshim qabyldandy.

Mańǵystaý oblysynyń ákimi Qyrymbek Kósherbaev narazylyq aktsııasyna qatysýshylardyń aldynda bitimgershi komısssııanyń músheleriniń atynan sóz sóıledi. Bitimgershi komıssııa qabyldaǵan sheshimder týraly aqparat jumysshylardyń nazaryna jetkizilgennen keıin, ereýilshiler qabyldanǵan sheshimderge qanaǵattanarlyq bildirdi jáne jumystaryna oralý úshin tarasty.

Qazirgi tańda óndiristik fılıaldaǵy barlyq jumystar qaıta jandandy.