Jańaózende oryn alǵan oqıǵanyń negizinde, meniń oıymsha, qatardaǵy eńbek daýy jatyr - Qaırat Mámı

dep habarlady Senatynyń baspasóz qyzmeti.

Otyrysty asha kelip, Q.Mámı ótken juma kúni Jańaózende bolǵan oqıǵaǵa toqtaldy.

- «Ózderińizge belgili, 17 jeltoqsanda Qazaqstan Respýblıkasy Qaýipsizdik Keńesiniń otyrysynda Jańaózen qalasyndaǵy jaǵdaı talqylanyp, Elbasy Nursultan Ábishuly Nazarbaev qaza tapqandardyń týystaryna kóńil aıtyp, Qazaqstan halqyna úndeý joldady»,-dedi tóraǵa.

Qoǵamdyq qaýipsizdikti qamtamasyz etý, zańdylyq pen quqyqtyq tártipti qalpyna keltirý, sondaı-aq azamattardyń quqyqtary men bostandyqtaryn qorǵaý maqsatynda Konstıtýtsııanyń 44-babyna sáıkes, Jańaózen qalasynda Prezıdent Jarlyǵymen tótenshe jaǵdaı engizilgen bolatyn.

- «Jańaózen qalasynda oryn alǵan oqıǵanyń negizinde, meniń oıymsha, qatardaǵy eńbek daýy jatyr»,-dedi tóraǵa jáne ol «biraq, osy áleýmettik máseleni basbuzarlyq jasaýdy kózdegen jeke top, saıasattandyryp, qoǵamdyq tártipsizdikti jáne qoǵamdyq tártipti buzý áreketine ákelip soqtyrdy. Meniń oıymsha, ol top ózderi tasada turyp, býyndary qatpaǵan, áli oı-sanalary tolyq qalyptaspaǵan jastardy qylmystyq áreketke ıtermeledi», dedi. Ókinishke oraı, birneshe adamnyń qaza tapqany aıtyldy.

- «Zańdylyqty, qoǵamdyq tártipti olaı buzýǵa eshqashan jol berilmeıdi», - dedi Q.Mámı. - «Jańaózende bolǵan oqıǵany uıymdastyrýshylar men naqty tártip buzýshylar qatań jaýapkershilikke tartylyp, tıisti jazasyn alady. Elbasynyń tapsyrmasymen qurylǵan tıisti operatıvti top tekserý men tergeýdi ashyq, ádiletti júrgizedi. Qajet bolsa sheteldik ekspertter de qatystyrylady», - dedi ol.

Senat Tóraǵasy: «Men jańaózendikterdi, aqtaýlyqtardy, búkil mańǵystaýlyqtardy sabyrlylyq saqtaýǵa shaqyramyn. Otanymyzdyń turaqty damýynyń basty kepili - eldiń birligi men qoǵamdaǵy turaqtylyq. Sony biz árqashan esimizde saqtaýymyz kerek»,-dedi.

- Bizdiń áriptesterimiz Mıhaıl Bortnık jáne Baqtybaı Shelpekov elde bolyp qaıtty. Olar 18 jeltoqsanda Aqtaý qalasynda Yntymaq alańyna shyǵyp turǵan halyqpen kezdesti,-dedi tóraǵa. «Qajet bolǵan jaǵdaıda basqalarymyz da halyq qalaýlylary retinde jergilikti halyqpen kezdesip, olardy zańdy syılaýǵa, el tynyshtyǵyn buzbaýǵa shaqyrýǵa ázirmiz dep oılaımyn»,-dedi ol.

Kún tártibine sáıkes, depýtattar Eýrazııalyq ekonomıkalyq komıssııa týraly shartty qarap, ratıfıkatsııalady.

Sondaı-aq Qoja Ahmet ıAsaýı atyndaǵy Halyqaralyq Qazaq-Túrik ýnıversıtetiniń qyzmet sharttary týraly Qazaqstan men Túrkııa arasyndaǵy úkimetaralyq kelisimdi jáne 2009 jylǵy 22 qazandaǵy Qoja Ahmet ıAsaýı atyndaǵy Halyqaralyq Qazaq-Túrik ýnıversıteti qyzmetiniń sharttary týraly eki el úkimetteriniń kelisimine ózgeris engizý týraly hattamany ratıfıkatsııalaý týraly zań qabyldandy.

Talqylaý nátıjesi boıynsha «Energııa únemdeý jáne energııa tıimdiligin arttyrý týraly» jáne «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly» zań jobalary da qabyldandy.

Sonymen qatar qoldanystaǵy keıbir zańnamalyq aktilerge memlekettik satyp alý, jobalyq qarjylandyrý máseleleri boıynsha ózgerister men tolyqtyrýlar týraly zań jobalary Senat engizgen túzetýlermen qabyldandy.

Talqylaý qorytyndysy boıynsha «Qazaqstan Respýblıkasynyń keıbir zańnamalyq aktilerine ındýstrııalyq-ınnovatsııalyq qyzmetti memlekettik qoldaý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine asyl tuqymdy mal sharýashylyǵy máseleleri boıynsha ózgerister men tolyqtyrýlar engizý týraly» zańdar da qabyldandy.

Sondaı-aq otyrysta «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda qor naryǵyn damytý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Qaralǵan zań jobalary boıynsha depýtattardyń kóptegen saýaldaryna bilim jáne ǵylym mınıstri B.Jumaǵulov, qarjy mınıstri B.Jámishev, ekonomıkalyq damý jáne saýda mınıstriniń orynbasary T.Súleımenov, ındýstrııa jáne jańa tehnologııalar mınıstri A.Raý tıisinshe túsinikteme berdi.