Jańaózende kún saıyn 300 bas usaq mal etin óńdeıtin kombınat ashyldy

JAŃAÓZEN. QazAqparat - Jańaózendegi jańa et kombınatynda kún saıyn 300 bas usaq mal men 60-qa jýyq iri qara óńdeledi. Qala turǵyndaryna usynylatyn ekologııalyq taza et Qostanaı, Aqtóbe, Atyraý oblysynan ákelinedi, dep habarlaıdy QazAqparat tilshisi.

Nysan sońǵy tehnologııalarmen jabdyqtalǵan. Kombınatta 147 jumysshy qyzmet atqarady.

«Et kombınatynda birneshe tseh bar. Olar: mal soıý jáne et saqtaý tsehtary. Sondaı-aq jartylaı daıyn ónim ázirleıtin tseh bar. Biz kúndelikti 5 tonna jartylaı daıyn ónimdermen buqtyrylǵan et ónimderin shyǵaramyz. Al aıyna 12 myń tonna et ónimin taratamyz, - deıdi kompanııanyń negizin qalaýshy Temir Lesov.

Kombınatqa et elimizdegi eń joǵary deńgeıli, aýqymdy bordaqylaý alańdary ornalasqan Qostanaı, Aqtóbe, Atyraý oblysynan jáne jergilikti, ózge de aımaqtaǵy sharýa qojalyqtarynan jetkiziledi. Mamandar etten jartylaı daıyn ónimder ázirleıdi.