Jańaózende kishkentaı bala 4 metr bıiktikten qulap, aman qaldy
AQTAÝ. QazAqparat - 7 jasar bala dárigerlerdiń arqasynda aman qaldy. Qazir onyń jaǵdaıy birqalypty aýyr, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimetinshe, oqys oqıǵa Jańaózen qalasynda bolǵan. Ata-anasy balanyń qurylys júrip jatqan ǵımaratta oınap júrip, qulap ketkenin aıtady.
«7 jasar naýqas aýrýhanaǵa ashyq mı-súıek jaraqatymen tústi. Oblystyq balalar aýrýhanasynan Jańaózenge dereý neırohırýrg Erbol Kenjevalov jiberilgen. Alǵashqy hırýrgııalyq ota jasalyp, jaraqattary tigilgen»,-dep habarlady oblystyq densaýlyq saqtaý basqarmasynyń baspasóz qyzmeti.
Dárigerler balanyń jaǵdaıy áli de ózgerýi múmkin ekenin aıtyp otyr. ıAǵnı, aýyr jaraqat saldarynan menıngıt ne ventrıkýlıtke shaldyǵýy múmkin.
