Jańaózende qaıyrymdylyqqa arnalǵan jáshikti tonaýmen aınalysyp júrgen er adam ustaldy

AQTAÝ. QazAqparat – Jańaózende dúkenderde turatyn, qaıyrymdylyq úshin qarjy salýǵa arnalǵan jáshikterdi urlaýmen aınalysyp kelgen jergilikti turǵyn ustaldy, dep habarlaıdy QazAqparat Lada-ǵa silteme jasap.

Ustalǵan adamnyń keminde osyndaı 3 áreketke qatysy bolýy múmkin degen kúdik keltirilip otyr. Olardy kúdikti mamyr aıynyń basynan beri júzege asyryp kelgen. Bul týraly Mańǵystaý oblystyq Polıtsııa basqarmasy habarlaǵan.

«Kúdiktini beınebaqylaý kameralarynyń kómegimen ustadyq»,-delingen polıtsııanyń habarlamasynda.

Ol buryn da isti bolǵan.