Jańaózende qant zaýyty ashylady

AQTAÝ. QazAqparat - Bir aıdan soń Jańaózende kúnine 10 tonna qant shyǵaratyn zaýyt ashý josparlanǵan, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Jańaózendegi «Orda» dep atalatyn qant zaýytynyń qurylysyna oblys ákimi Serikbaı Trumov baryp, aralap kórdi.

«Bir aıdan soń zaýyt ashylady dep josparlanyp otyr. Shıkizatty Reseıden alyp kelemiz. Zaýyt 24 saǵat boıy jumys isteıdi. Qyzmetkerler 3 aýysymda eńbek etedi. Jospar boıynsha kúnine - 10 tonna, aıyna - 300 tonna qant shyǵarylady»,-deıdi kásiporyn dırektory Erbolat Súleımenov.

Aıta keteıik, qazirgi tańda nysannyń 90 paıyzy aıaqtalyp tur.