Jańaózende iri jol apatynan qaza tapqandardyń jeke basy anyqtalyp jatyr
ASTANA. QazAqparat - Jańaózende GAZel men teplovozdyń soqtyǵysýy saldarynan qaza tapqandardyń jeke basy anyqtalyp jatyr, dep habarlaıdy «QazAqparat» HAA Habar 24-ke silteme jasap.
Resmı derek boıynsha, 9 adam qaza taýyp, 27 adam, sonyń ishinde 3 bala túrli jaraqat alyp, aýrýhanaǵa jetkizilgen. Olardyń 8-i aýyr halde.
Mańǵystaý oblystyq ІІD baspasóz qyzmetiniń habarlaýynsha, qazir kóz jumǵandar men zardap shekkenderdiń jeke basy anyqtalyp jatyr.
Aıta keteıik, jol apaty Mańǵystaý jol bóliminiń Ózen-Bolashaq temirjol ótkelinde bolǵan. GAZel kóliginde 36 jolaýshy bolǵan. QTJ habarlaǵandaı, teplovoz mashınısi 60 km/saǵ jyldamdyqpen kele jatyp joldaǵy avtomobıldi kóredi jáne shuǵyl toqtaıdy. Alaıda, soqtyǵysýdyń aldyn alý múmkin bolmaǵan.
«Qazirgi tańda QR QK 345-baby boıynsha sotqa deıingi tergeý amaldary júrip jatyr. Tergeý múddesine baılanysty basqa aqparat bere almaımyz», - dedi oblystyq ІІD baspasóz qyzmetiniń basshysy Jazıra Ábil.
