Jańaózende ınkassatorlarǵa qaraqshylyq shabýyl jasaldy

JAŃAÓZEN. QazAqparat - Elimizdiń birqatar buqaralyq aqparat quraly Jańaózen qalasyndaǵy «Sberbank» bólimshesiniń ınkassatorlaryna qaraqshylyq shabýyl jasalǵanyn habarlaǵan bolatyn. Osyǵan oraı atalǵan bank resmı málimdeme jasady, dep habarlaıdy QazAqparat.

«Shynymen de 2020 jyldyń 3 jeltoqsanynda, keshki ýaqytta «Sberbank» bólimshesi janynda bankke ınkassatsııalyq qyzmet kórsetetin basqa kompanııanyń ınkassatar kóligine shabýyl jasaldy. Kóliktiń júrgizýshi-ınkassatory bank bólimshesine kirip ketken áriptesterin kútip otyrǵan sátte jasalǵan. Bul rette atalǵan kompanııanyń qyzmetkerleri basqa uıymnan ınkassatsııalaǵan aqsha qarajaty urlanǵan. Osylaısha, «Sberbank» klıentteriniń qarajattary tolyq saqtalyp turǵandyǵyn habarlaımyz», - deligen qarjy uıymynyń aqparatynda.

Bank málimetinshe, qaraqshylyq shabýyl kezinde eshkim zardap shekpegen.

«Sberbank» jasalǵan qylmystyń qysqa ýaqyttyń ishinde áshkerelenip, kináliler jazalanatyndyǵyna, qarajat ıelerine qaıtarylatyndyǵyna úmit artady jáne qylmysty ashý úshin barynsha járdem kórsetedi», - dedi bankten.