Jańaózende gaz óńdeıtin zaýyt otqa orandy
ASTANA. 7 maýsym. QazAqparat - Jańaózende «QazGÓZ» JShS-niń aýmaǵynda 6 maýsym kúni saǵat 23.22-de órt boldy.
QR TJM-niń baspasóz qyzmeti habarlaǵandaı, órt №1 (2 blok, 28 torap) kompress tsehynan shyqqan.
Órt tolyǵymen saǵat 01.05-te sóndirildi. Tehnologııalyq úderis toqtatyldy. Tilsiz jaýdy aýyzdyqtaýǵa QR TJM Mańǵystaý oblysy boıynsha TJD órtke qarsy qyzmetiniń 66 adamy men 6 tehnıkasy, QR TJM «Órt sóndirýshi-M» AQ-nyń 7 adamy men 1 tehnıkasy, «Semser-órt sóndirýshi» JShS-niń 13 adamy men 4 tehnıkasy jumyldyryldy.
Órt saldarynan 44 jastaǵy tseh operatoryn kúıik shalyp, aýrýhanaǵa jetkizildi.
