Jańaózende gaz óńdeý zaýyty salynady

NUR-SULTAN. QazAqparat – Úkimet otyrysynda Mańǵystaý oblysynyń áleýmettik-ekonomıkalyq damýynyń 2021-2025 jyldarǵa arnalǵan keshendi jospary talqylandy, dep habarlaıdy QazAqparat tilshisi.

Keshendi jospardyń jobasyn QR Ulttyq ekonomıka mınıstri Áset Erǵalıev tanystyrdy.

«Keshendi jospar 15 baǵyttan jáne 214 is-sharadan turady. 2021-2025 jyldarǵa arnalǵan ınvestıtsııalardyń jalpy somasy 2,1 trln teńgeni quraıdy. Onyń ishinde Onyń ishinde respýblıkalyq bıýdjetten 338,3 mlrd teńge, jergilikti bıýdjetten 118,3 mlrd teńge, sondaı-aq jeke ınvestıtsııalardan 1,6 trln teńge», - dedi mınıstr.

Vedomstvo basshysynyń aıtýyna qaraǵanda, keshendi jospar aıasynda Jańaózen men Aqtaý teńiz portyn damytýǵa baǵyttalǵan jobalardy iske asyrý kózdelip otyr.

«Ónerkásipte Jańaózen qalasynda gaz óńdeý zaýytyn, arnaıy ekonomıkalyq aımaq –Aqtaý teńiz porty aýmaǵynda kaostıkalyq soda quramynda soda quramyndaǵy hlor bar qnim óndirý zaýytyn salý, hımreagentterdi transformatorlardy jáne t.b. óndirý boıynsha 21 jobany iske asyrý kózdeledi», - dedi Áset Erǵalıev.