Jańaózende gaz óńdeý zaýyty salynyp jatyr
ASTANA. KAZINFORM — Aqtaýda Jańaózen qalasynda jańa gaz óńdeý zaýytyn salý barysy talqylandy. Bul týraly QazMunaıGaz ulttyq kompanııasy habarlaıdy.
— Transformatorlar qoıylatyn irgetasqa beton quıý aıaqtaldy, qum tógý jumystary júrgizildi. Sonymen qatar 110 kV bolatyn jelilik portal, blok-modýldik ǵımarat jáne maı qabyldaý boıynsha jumys bitti. Sonymen qatar jerge tuıyqtaý kontýrdy montajdaý aıaqtaldy. Zaýyt alańyn daıyndaý merzimnen buryn, ıaǵnı 2025 jylǵy 28 mamyrda bastalyp ketti, — delingen habarlamada.
Qazir kásiporyndy qajetti qural-jabdyqpen qamtý qolǵa alyndy. Atalǵan joba bekitilgen merzimge saı júzege asyrylyp jatyr. Sondaı-aq joba jetekshisi Baýyrjan Seıitqazıev búginde qurylys-montaj jumystary qarqyndy júrip jatqanyn aıtyp otyr.
Eske salaıyq, Prezıdent Qasym-Jomart Toqaev Jańaózen gaz óńdeý zaýyty qurylysynyń keshigýin Úkimettiń óreskel olqylyǵy retinde baǵalaǵan edi.
Artynsha Úkimet basshysy Oljas Bektenov «Samuryq-Qazynaǵa» Jańaózendegi gaz óńdeý zaýytyn tezdetip salýdy tapsyrdy.