Jańaózende ereýil uıymdastyrýǵa árekettengen qylmystyq toptyń joly kesildi
AQTAÝ. KAZINFORM – Ulttyq qaýipsizdik komıtetiniń Mańǵystaý oblysy boıynsha departamenti Іshki ister organdarymen birlesip, Jańaózen qalasynda ereýil uıymdastyrýǵa árekettengen qylmystyq toptyń áreketine tosqaýyl qoıdy.
Resmı málimetterge súıensek, top munaı-gaz salasyndaǵy merdiger kompanııalardyń biriniń basshylyǵymen sóz baılasqan. Olar kásiporyn jumysshylaryn jappaı narazylyq aktsııalaryna shyǵýǵa ıtermelep, tapsyrys berýshi «Ózenmunaıgaz» AQ-dan qosymsha qarjy alýǵa tyrysqan.
Sondaı-aq derekkózder talaptary oryndalmaǵan jaǵdaıda top músheleri munaıshylardyń narazylyǵyn paıdalanyp, Jańaózende 2011 jylǵy oqıǵalardy qaıtalaýǵa árekettenýi múmkin bolǵanyn habarlaıdy.
Kúshtik qurylymdardyń ýaqtyly ári úılesimdi áreketteriniń arqasynda adam ólimine, jappaı tártipsizdik pen tonaýshylyqqa jol berilmeı, qylmystyq top ustaldy.
Buǵan deıin, UQK 24 qylmystyq toptyń zańsyz áreketine tosqaýyl qoıǵany týraly jazdyq.
